BEAZ Bizkaia

Helburua

Bizkaiko enpresa txiki eta ertainen esportazio-jarduera bultzatzea.

Erakunde onuradunak

250 langile baino gutxiago dituzten Bizkaiko enpresak, industriari lotutako produkzio- edo zerbitzu sektoreetakoak, baldin eta baldintza hauek betetzen badituzte:

• Helbide soziala eta fiskala Bizkaiko Lurralde Historikoan izatea.
• Zerga-betebeharrak eta Gizarte Segurantzarekikoak ordainduta izatea, bai eta diru-laguntzak itzultzeagatik ordainduko beharreko betebeharrak ere.
• Sexuaren ziozko bereizkeria dela-eta zigor edo administrazioaren arloan inoiz zehapenik jaso ez izana.

Beren-beregi kanpo uzten dira beste enpresa batzuen zeharkako esportazioari laguntzen dioten enpresa bitartekariak.

Sozietate publikoak eta Zuzenbide Publikoko erakundeak kanpoan geratuko dira.

Diruz lagundu daitekeen egitatea

Merkataritza-ordezkaritzak herrialde berri batean sortzea.

• Produktuak herrialde berri batera zabaltzea.
• Diru-laguntzaren xede diren proiektuek, gutxienez, diruz lagundu daitekeen 15.000 euroko gastua izango dute.

Gehienez aurkez daitekeen eskabide kopurua (14. art.): Entitate bakoitzak, gehienez, hiru eskabide aurkeztu ahal izango ditu, eta eskabide bakoitzari herrialde bakarrean eta diruz lagundu daitezkeen bi egitateetako bat jasotzen duen proiektu bat egokituko zaio:

• Merkataritza-ordezkaritzak sortzeko: eskabide bat, gehienez.
• Produktuak zabaltzeko: hiru eskabide, gehienez.

Diruz lagundu daitezkeen gastuak

Langileen gastuak (atzerrian dauden bitartean), bidaia eta ostatuaren gastuak (mantenua izan ezik) eta atzerriko langileen kontratazioa.

kontratazioak kanpoko aholkularitza, sustapen eta publizitateko zerbitzuetan, adibidez, aztertze- eta merkataritza-jardueretan parte hartzea eta aukeratutako herrialdeko azoketan parte hartzea.

Merkataritza-ordezkaritzen kasuan, jardueraren hasieran behin bakarrik egiten diren gastuak ere sartzen dira (eratzea, eskriturak, lizentziak, eta abar).

• Zuzenean egotz daitezkeen beste gastu batzuk, behar bezala justifikatuak.

Laguntzen zenbatekoa

Gehienez lagundu daitekeen ehunekoa %55 da, honela banakatuta:

• Oro har: %40.
• Lotuta ez dauden Bizkaiko beste enpresa batzuekin lankidetzan arituz gero, %10 gehituko da.
• Proiektuarekin zerikusia duen produktu baten asmakuntza-patente baten eskatzaile edo titularraren kasuan, %5 gehituko da.

Erakunde onuradun bakoitzeko gehienez eman daitekeen zenbatekoa: 60.000 euro.

Araudia eta diru-laguntzak emateko araubidea

29/2012 Foru Dekretua, otsailaren 28koa (BAO, 43.zk., 2012ko martxoaren 1(e)koa).

Diru-laguntzak emateko, norgehiagoka prozedura erabiliko da (20. art.).

Epeak

Eskabideak: 2012ko martxoaren 2(e)tik apirilaren 18ra.

Ekintzak egitea: 2012ko urtarrilaren 1etik 2013ko ekainaren 30era arte egingo dira proiektuak.

Eskabideak eta gainerako dokumentazioa Ekonomia Sustatzeko Sailaren bulego birtualaren bidez aurkeztu behar dira (www.bizkaia.net/Sustapena-Bulego Birtuala). Horretarako, enpresak sinadura elektronikoa eduki behar du edo, bestela, BizkaiBai zerbitzuan izena emanda egon behar du; azken kasu horretarako, Orueta apezpikua kaleko 6an dauden bulegoetan eska daiteke txartela.

Informazio gehiago Ekonomia Sustatzeko Sailaren webean